أدخل كلمة للبحث

100 100 100

2
جميع اجابات بوكليت الفيزياء 2017 ثالث ثانوي | اجابة نموذجية

جميع اجابات بوكليت الفيزياء 2017 ثالث ثانوي | اجابة نموذجية


بسم الله الرحمن الرحيم ، يقدم ثانوية خمس نجوم اجابات بوكليت مادة الفيزياء لطلاب الصف الثالث الثانوي نظام حديث 2017 لاتمام الشهادة الثانوية العامة نقدم لكم نصائح لمراجعة مادة الفيزياء للاستعداد لامتحان الثانوية العامة .

1 ↩راجع مراجعة عادية ( راجع النظرى كويس👌📖 ) ( راجع القوانين كويس اوى 💡👍) ..👏👏
_______________
2- ↩مش مطلوب منك تحل مسائل ليلة الامتحان .. انت طول السنة بتحل .. ممكن تبص على أفكار المسائل الى حليتها قبل كدة .. دى كذا ودى كذا ..
* وممكن تحل امتحان ثانوية عامة ... إذا سمح الوقت .. وادرب على الرسم البياني ... اوعى تنساه ..
______________

3-↩ توكل على الله✔ ... وبلاش تتوتر الله يكرمك .. امتحان عادى ... وانت مذاكر 📖.. ومتوكل على الله .. وربنا معاك هتقلق ليه بقى ! ...
______________

4-↩ متقارنش نفسك بحد ... متقارنش نفسك بحد .. متقارنش نفسك بحد .. متقلش الامتحان بكرة لسالى 3 فصول .. وغيرى فصل .. ولا خلص .. 🚫🚫
💡(( ليس العبرة بمن سبق ... ولكن العبرة بمن صدق ...كن صادقا تصل ))💡
أنت متعرفش هو راجعهم ازاى ... خليك مع نفسك وبس ..
مبتفكرش ف حاجة .. غير الكتاب اللى ف ايدك ده و بس ..
______________

5_ ↩روح الامتحان رايق خاالص :) .. لو فيه حاجة مفروض تراجعها الصبح ... راجعها .. انت ذاكرت وتعبت 📚.. وربنا مش هيضيع تعبك 👐.. خلاص خش لجنتك وانت مطمن 💪 .. خدت بالأسباب وتوكلت على الله ... وجه وقت انك تحط مزاكرتك كلها ف الورقة دى .. وربنا هيكرمك .. :)
_________________

6_ حاااول ف كل مسألة .. متقلش صعبة من شكلها ..
فكر + حاول + فكر +حاول ..
حاول بالقلم .. واكتب وحل .. ✏
حلها مرة .. 📋
🔴حاسس أنها صح .. الحمد لله تمام ...😃
🔴شاكك ... جرب بطريقة تانية .. وتالتة .. ✏📋
وف كل مرة ...■ قانون .. و■خطوات .. و■ناتج ..
ورسم اذا تطلب الأمر ..
#انت_بتلم_درجات_فى_المحاولات :) 📝
يعنى بتحلها ... وانت مش واخد بالك ...
____________________

7) ↩ ■اوعى تبدأ بالمسائل .. حل الامتحان بالترتيب عاادى ..
■ لما توصلها .. هتكتب المعطيات .. وتحط القانون وتفكر .. معاك 5 دقايق .. بالكتير 7 ...
🔵عرفت فكرة الحل .. وهتحلها تمام وخلاص .. توكل على الله ..
🔵موصلتش للفكرة لسه .. ومحلتهاش. .. سيبها .. وحل الامتحان كله ... وبعدين ف الاخر ارجع فكر فيها براحتك ..
ما انت مش هتضيع 60 ... عشان 4 .. ولا ايه ؟!!
________________________________

8) ↩ حااول تحل ال 5 اسئلة كلهم ... ولكن اختار أربع اسئلة تكون متأكد وواثق منهم ومراجعهم كويس ...و ده افضلك .. ف كل الأحوال .. (💥 اكسب وقت الاختيار .. ف تنفيذ القرار ) :)

■ كان مدرس بيقلنا :
الامتحان 5 اسئلة يعنى 5 مسائل ... بالكتير لو حب يصعب هيجيب اتنين فيهم أفكار جديدة مثلا ... او لافين شوية ..
عندك واحدة رسم بيانى ✔
واتنين .. هيبقوا عاديين زى اللى بتحلهم ✔✔
واتنين ... محتاجين أفكار ومحاولات .. زى اللى بتحلهم برده وبتشوفهم ف امتحانات سابقة ✔✔
هياخد من دول 4 بس .. ليه بقى تقلق علي المسائل وتنسى النظرى اللى هو 44 درجة .. 44 درجة ..
ذاكر ... وراجع ... وحل .. وتوكل على الله. ...
_______________________________________

9 ) - ↩ركز على قواعد #تحديد_اتجاه التيار والمجال .. اللى هما موجودين ف الباب التانى والتالت ... ممكن تجمعهم ف ورقة واحدة ... وتقارن بينهم ...
■ و ركز على #التعريفات بتاعة القوانين .. وكل حاجة ... ما هى هتيجى حاجة من الاتنين ..
يا ♧#تعريف .. يا ♧ ما #معنى_قولنا !
((⚠⚠⚠ركز ف ما معنى قولنا ... ساعات بيتلاعب بالألفاظ .. اعرف قصده ايه بالظبط .. وحل ..))
■ وانت بتحل النظرى ... غالبا بيبقى محدد متلفش وتدور .. الإجابة اكتبها بصورة #منظمة .. وتكون حافظها كويس ان شاء الله ..
_________________________________

10) - ↩ بالنسبة #للمساءل : 🔒🔑🔋🔌
■ اقرأ المسألة كويس اوى .. وانت بتقراها بتعمل حاجتين ..
1) بتعرف هو عايز ايه بالظبط .. ( المطلوب ) ...
2 ) بتجمع معلومات ( المعطيات )
⚠خلى بالك .. [ الثوابت ... معطيات ]
3) وانت معااك قوانين .. وخبرات حل إن شاء الله ..
وثقة ف الله .. انك هتحل المسألة ..

🌸🌸 مطلوب منك ايه بقى ف الموضوع ده !!!
-------------------------------------------------------------
■ انك وانت بتقرأ المسألة ... تحط خط تحت كل معلومة يدهالك .. وتكتبها ف مكان الإجابة تحتها .. ( دى اول خطوة .. عملية نقل .. كده انت ماشى صح ) ..

■بعد كده هتفكر هتجيب الحل ازاى؟!! ..
💮وسواء وصلت لطريقة الحل أو موصلتش ف دماغك كده ..
■اوعى تسيبها فاضية ..
لا ... مضيعش درجات من ايدك ...
■اكتب #القوانين .. القوانين .. ايوة #القانووون ..
( كل قانون بدرجة ... يعنى كونك كتبت القوانين ف المطلوبين .. حليت نص المسألة ... ااه والله ... ) ..
■ فكر كويس اوى المسألة عايزة ايه ... لأنك بمجرد ما تعرف هتستخدم اى قانون .. كده اتحلت ان شاء الله ..
■ ودائما وابدا ... توكل على الله ✔.. ف كل حااجة .. حتى ف نيتك انك تنفذ النصائح اللى فى البوست دى 👍 :) ...
النصائح موجهة من صفحة «اعمارنا اعمالنا يارب» علي فيسبوك .

مهم جدا جدا
1- الجلفانومتر - المحرك ⬅ عزم الازدواج
2- المحول الكهربي ⬅ الحث المتبادل
3- المولد الكهربي ( الدينامو ) ⬅ الحث الكهرومغناطيسي
4- ملف رومكورف ( ملف الحث ) ⬅ الحث الكهرومغناطيسي
5- افران الحث ⬅ التيارات الدوامية
6- مصباح الفلوروسنت ⬅ الحث الذاتي
7- مجزء التيار ⬅ التوصيل علي التوازي - تناسب I عکسیاً مع R
8- مضاعف الجهد ⬅ التوصيل علي التوالي - تناسب V عکسیاً مع R
9- الاوميتر ⬅ تناسب I عکسیاً مع V عند ثبوت V
10- انبوبة اشعة الكاثود ( CRT ) ⬅ التأثير الحراري
11- الخلية الكهروضوئية ⬅ الظاهرة الكهروضوئية - الانبعاث الكهروضوئي
12- اكهزة الرؤية الليلية ⬅ الاشعاع الحراري
13- ظاهرة كومتون ⬅ الصفة الجسيمية للفوتون
14- القنبلة الذرية ⬅ المعادلة E = mc²
15- الميكروسكوب الالكتروني ⬅ الطبيعة الموجية للفوتون
16- الفعل الليزري ⬅ اسكان معكوس + تضخيم الاشعاع
17- التصوير المجسم ( الهولوجرافي ) ⬅ تداخل الاشعة
18- تقويم التيار المتردد ⬅ استبدال الحلقتين بمقوم للتيار
19- المطياف ⬅ تحليل الضوء الساقط عليه لمكوناته المرئية و الغير مرئية
20- اشعة X ⬅ تصادم الالكترونات مع الهدف فتفقد طاقتها علي هيئة اشعة X
21- القانون الاول لكيرشوف ⬅ بقاء الشحنة
22- القانون الثاني لكيرشوف ⬅ بقاء الطاقة
23- الدائرة المهتزة ⬅ تبادل الطاقة بين المكثف و الملف ( مع الشرح )
24- دائرة الرنين ⬅ تساوي المفاعلة الحثية مع السعوية



تحميل : جميع اجابات بوكليت الفيزياء 2017 ثانوية عامة | اجابة نموذجية

شارك الرابط في المجموعات الدراسية عبر فيسبوك أو ارسله لاصدقائك  
تابعنا على فيسبوك لتتمكن من متابعة المراجعات النهائية وآخر الأخبار التعليمية

إرسال تعليق

  1. غير معرف6/14/2017

    يا ثانوية خمس نجوم هو في نموذج للفيزيا زي الانجلش كده مش اجابات الاسئلة��

    ردحذف
  2. هو فى مسئلة رقم 9التيار الكلى 3ليه؟

    ردحذف

يسعدنا تعليقك علي هذا الموضوع , أضغط اعلامي ليصلك تعليقنا

 
Top